Plantun de Prouvènço

Pèr coumpara dos planto d'encò nostre

Rhodiola rosea & Hieracium pseudocirritum

Rhodiola rosea

Crassulaceae

Noms en français : Orpin rose, Orpin odorant.

Descripcioun :
Lou rasin-roso trachis dins lis asclo de roucas en mountagno séusouso. Ié flouris belamen l'estiéu. Soun soulamen li flour di planto femello que sou roso qu'aquésti de mascle soun jauno (vèire li fotò à man drecho). Li fueio soun poupudo e d'un verd clar (o un pau verdalo).

Usanço :
La racino èi manjadisso emé un goust de roso. Li tijo e li flour soun manjado en artico en ensalado o cuecho. Es uno planto couneigudo pèr èstre di proun vertuouso : douno d'enavans, ajudo à dourmi e pèr recupera de la fatigo. Tambèn èi bono contro la pisso-douço, l'ipertesuro e mai enca. En crèmo ajudo à lucha contro li rufo.

Port : Erbo
Taio : 10 à 50 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Rhodiola
Famiho : Crassulaceae

Ordre : Saxifragales

Coulour de la flour : Roso
Petalo : 5
Ø (o loungour) flour : 1 à 2 cm
Flourido : Estiéu

Sòu : Si
Autour basso e auto : 1200 à 2800 m
Aparado : Noun
Juilet à avoust

Liò : Roucas - Esboudèu - Pelouso roucaiouso
Estànci : Subaupen à Aupen
Couroulougi : Bourealo
Ref. sc. : Rhodiola rosea L., 1753

Esparello(-fausso-frisouleto)

Hieracium pseudocirritum

Asteraceae Compositae

Nom en français : Épervière.

Descripcioun :
Aquesto esparello trachis en mountagno sus li pelouso e dins li melounié. Fai partido dóu group HIERACIUM qu'an de fueio quàsi sènso glando, dentado souvènt, e emé un pecou. L'esparello fausso-frisouleto a de fueio dentado proun descoupado, un pau verdalo, de cop que i'a tacado. Li flour coumpausado an de bratèio emé proun de péu estela e de péu glandoulous negre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Jun - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Melounié - Pelouso
Estànci : Subaupen à Aupen
Couroulougi : Ouroufito aupenco
Ref. sc. : Hieracium pseudocirritum (Favre) Touton & Zahn, 1905 (= Hieracium bifidum auct. p.p. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhodiola rosea & Hieracium pseudocirritum

ges

Coumpara Rasin(-roso) emé uno autro planto

Coumpara Esparello(-fausso-frisouleto) emé uno autro planto